మీ అభిమాన సిద్దాంతి పండిత శ్రీ ఉంగరాల అప్పారావు నాయుడు అను నేను మహారాజ శ్రీ ఉంగరాల రామచంద్రరావు, సూర్యేకాంతం పుణ్య దంపతులకు బాలాంత్రం గ్రామములో 04-11-1954 రాత్రి గం 11-20ని లకు జన్మించినాను. నాకు 21-05-1978 సంవత్సరము ఆదివారము మహారాజశ్రీ గంగుమళ్ళ రామారావు, సూర్యేకాంతం పుణ్యదంపుతుల కుమార్తె మంగాదేవిని వివాహము చేసుకుని యున్నాను.

మాకు రామచంద్రావతి అను కుమార్తె, భీమ శంకర్ నాయుడు మరియు రామచంద్ర రావు నాయుడు అను ఇరువురు కుమారులు జన్మించినారు. మాకుమారులు ఇరువురు బిటెక్ కంప్యూటరు విద్యను అభ్యసించి నాకు ఎంతగానో సహకరించినారు.

జ్యోతిష్యము గురుంచి తెలుసు కోవాలని నాకు చిన్నతనమునుండి ఎంతో కోరిక అలాగే, పంచాంగ గణితములు నేర్చుకోవాలనే తపనతో అనేక జ్యోతిష గ్రంధములను చదివి మొదటసారిగా 1973వ సంవత్సరములో నేను పోలిటెక్నిక్ చదివే సమయంలో కాలేజి మేగ్ జైనులో ప్రచురన చేయుటకుగాను 1600వ సంవత్సరము నుండి 8000వ సంవత్సరముల వరకు ఒకే పేజీలో తారీకు వారము తెలియుజేయు క్యాలెండరను తయారుచేసి యున్నాను. అది చూసి మా కాలేజ్ స్టాఫ్ నన్ను కొనియాడి చాలా బహుమానములు బహూకరించిరి. అటుపైన పంచాంగము, గ్రహముల స్థితి గతులతో ఒక మహాగణిత గ్రందమును తయారుచేయవలెననే సంకల్పముతో నిత్యము శ్రమపడి 2011వ సంవత్సరము నాటికి (1935 - 2055) 120 సంవత్సరములు పంచాంగము మీముందు ఉంచగలిగినాను. మరికొద్దికాలములో 2055 నుండి 3055వ సంవత్సరముల వరకు పంచాంగమును మీముందు యుంచుటకు ప్రయత్నించుచున్నాను.

స్వస్తి శ్రీ చంద్రమాణ ప్రమాదినామసంవత్సర బహుళ ఏకాదశి శుక్రవారం అనగా ది.03-12-1999 సంవత్సరం శుక్రవారం శ్రీ ఐశ్వర్యాంబికా జ్యోతిష దర్శిని నామధేయంతో మా జ్యోతిషాలయాన్ని శ్రీశ్రీశ్రీ పరిపూర్ణానంద సరస్వతి స్వామి వారి ఆశీస్సులతో బ్రహ్మశ్రీ మహేంద్రవాఢ శ్రీ రంగసాయి గురువుగారి సహకారములతో సుందరప్లాజా కాంప్లెక్సు కాకినాడ లో ప్రారంభించడమైనది. దీనిని ప్రస్తుతం మాస్వగ్రామమైన బాలాంత్రం గ్రామమునకు మార్చియున్నాము.